Joia'r hanner tymor (a golwg ar beth sydd ar y gweill!)
Cyn dechre', joia'r hanner tymor, ac os wyt ti'n mynd i Eisteddfod yr Urdd, welai di 'na!Dyma'r cyfleoedd Adobe sydd ar gael, yn rhad ac am ddim, ar ôl dychwelyd i'r ysgol... Addysgwyr Creadigol Adobe: Lefel 1Tystysgrif DPP a Bathodyn DigidolYmuna'n rhithiol gyda fi am 4:00-5:30yh ar bnawn dydd Mawrth, Mehefin y 4ydd ar gyfer hyfforddiant cyfrwng Cymraeg ACE Lefel 1 - yn rhad ac am ddim! Mae'r hyfforddiant yn cynnwys trafodaeth a chyflwyniad ar bwysigrwydd creadigrwydd o fewn addysg, a gweithgaredd hwylus gan ddefnyddio Adobe Express trwy Hwb. Wedi i ti gyflwyno dy waith, cei dystysgrif DPP i'w roi yn dy ffeil Datblygiad Proffesiynol (a rhoi copi ar ddesg y Pennaeth efallai!) ynghyd â bathodyn ACE Lefel 1 i'w osod ar lofnod dy e-bost. Cofrestra am ddim fan hyn:
Gwers Fyw: Diwrnod EmpathiCofia am y wers fyw 75munud ar gyfer Diwrnod Empathi - dydd Iau, Mehefin y 6ed am 10:30yb! Mae'r sesiwn am ddim ac yn addas i blant CA2. Rho'r ffrwd fyw ar sgrîn fawr y dosbarth, gyda'r disgyblion wedi mewngofnodi i Hwb ac wedi agor Adobe Express, ac ymunwch yn yr hwyl! Yn y sesiwn yma, byddwn yn creu dau ddarn o waith digidol ar thema Diwrnod Buddugoliaeth yn Ewrop. Cofia gofrestru am y sesiwn.
Gall ysgolion sydd wedi cofrestru hawlio gwobrau am ddim i bob plentyn sydd wedi cwblhau'r gweithgareddau.
Yn ogystal, mae gwobrau arbennig ar gael i'r "Arweinwyr Adobe" - plant sy'n dysgu eu sgiliau newydd i blant neu athrawon eraill yn yr ysgol!
Cofrestra fan hyn:
Diolch, Meredudd |